Gjykata e Posaçme vendosi të premten më 16 shkurt të pezullojë për një vit gjykimin e kërkesës së prokurorisë për dërgimin për gjykim të çështjes penale nga ngarkim të ish-zëvendëskryeministrit Arben Ahmetaj, i akuzuar për “shpërdorim detyre” lidhur me privatizimin e një parcele toke me çmimet e vitit 1994 duke injoruar një vendim gjykate.
Vendimi i pezullimit të gjykimit paraprak është marrë nga gjyqtari Erjon Çela. Sipas gjykatës, është detyrim njoftimi personalisht i të pandehurit, i cili sipas dokumenteve të Interpolit është në kërkim ndërkombëtar dhe nuk është gjendur. Një prokurorë e paraqitur nga avokati i Ahmetajt është vlerësuar se nuk i referohet këtij lloj gjykimi dhe për rrjedhojë është vendosur të pezullohet gjykimi për 1 vit, si dhe janë urdhëruar shërbimet policore që të vijojnë kërkimin.
Çeshtja penale lidhet me një parcelë toke me sipërfaqe 6370 metra në pronësinë e familjes Myderizi në rrugën 5 Maji në Tiranë, e cila sipas SPAK u privatizua duke përdorur çmimet e vitit 1994 në kundërshtim me një vendim gjykate të formës së prerë. Kjo është një akuzë e shtuar për Ahmetajn, i cili është në arrati për akuza të korrupsionit në lidhje me biznesmenët e inceneratorëve, Klodian Zoto dhe Mirel Mërtiri.
Ahmetaj pati një karrierë të gjatë në Partinë Socialiste dhe shërbeu si ministër i Ekonomisë, i Financave, i Rindërtimit dhe si zëvendëskryeministër në qeverinë e drejtuar nga Edi Rama. Emri i tij u përfshi në hetimet për dhënien nga qeveria të 3 kontratave qindra-milionë euro për ndërtimin e incineratorëve, një hetim që ka çuar pas hekurave disa zyrtarë të tjerë të lartë, një ish-ministër dhe një ish-deputet të PS-së.
Prokuroria e Posaçme, SPAK kërkoi arrestimin e tij dhe Kuvendi miratoi kërkesën më 14 korrik 2022, por Ahemtaj iu shmang përballjes me drejtësinë dhe ndodhet jashtë Shqipërisë. Një kontratë lobimi me vlerë 150 mijë dollarë e nënshkruar nga Ahmetaj zbuloi se ish-zëvendëskryeministri banon aktualisht në Lugano të Zvicrës, qyteza piktoreske e njohur si rezidencë për banka dhe për biznesmenë, në brigjet e liqenit me të njëjtin emër në kufi me Italinë.
j.l./ dita
Po pse per ca hajdut pulash jepni denim ne mungese ju. Apo ky eshte hajdut i kualifikuar me kategorine e 7.
Do e shtyni dhe kete per procedure, si bete me Lulushin?
Shtyhet gjygji deri sa te fitoje azilin. Vendimi merret pas vdekjes, Dr Adhamudhi. Ma sa duket Blinken per kete paska ardhure, paska funksionuare lobimi. Shprehja ” leku flete” ketu gjene perjetesim. Mesazhe te bukure na paska sjelle, kur te vidhni, vidhni shume, edhe per ne te lobimit.
Pra mjaftoi intervista me u mor vesh
Hahaaaaa
Spak vdiq rrofte spak
I pa anshem i pa kontrollueshem
E lini rehat tigrin se është i ndershëm si të gjithë politikanët,ky qivaçi nuk la dashnore pa vila,tani jep edhe për lobim
Marrezi ky pezullim.Nese e keni te provuar akuzen ndaj tij,meqe ai eshte larguar qellimisht nga vendi per te mos u kapur dilni me vendimin per fundimtar fajtor apo jo,cfare dreq drejtesie beni keshtu.
Pse nuk mund te behet ne mungese apo ju nxori te palarat,po keta kriminelet si denohen ne mungese