Një 39-vjeçar është shpallur në kërkim nga blutë e Tiranës pasi përplasi me makinë pesë këmbësorë të cilët po lëviznin në trotuar në kryeqytet.
Ngjarja u regjistrua në rrugën “Halit Haxhija, ndërsa bëhet me dije se 39-vjeçari po kryente manovra të rrezikshme në rrugë.
Pas aksidentit shoferi u largua nga vendi i ngjarjes, ndërsa fatmirësisht të lënduarit janë jashtë rrezikut për jetën.
Specialistët e Qarkullimit Rrugor shpallën në kërkim shtetasin P. B., 39 vjeç, pasi në rrugën “Halit Haxhija” dyshohet se, duke kryer manovra të rrezikshme me automjet, automjeti ka dalë nga rruga duke përplasur lehtë 5 shtetas (këmbësorë), të cilët po lëviznin në trotuar, dhe më pas është larguar duke braktisur automjetin. Të dëmtuarit, pas kryerjes së ekzaminimeve mjekësore, janë larguar për në banesë. Punohet për kapjen e tij dhe dokumentimin e plotë të rrethanave të rastit.
Materialet procedurale iu referuan Prokurorisë së Tiranës, për veprime të mëtejshme.
