Janë gati 6500 bileta të shitura për derbin e sotëm. Ky është lajmi më i fundit që vjen nga të dyja kampet.
Prej ditësh të gjithë tifozët kanë mundësinë të blejnë një biletë për derbin e mes Partizanit dhe Tiranës në “Air Albania”, i cili nis sot në orën 19:00. Klubi i kuq, qëështë pritës i sfidës, ka publikuar çmimet në të gjithë sektorët. Bileta më e lirë për derbin është 500 lekë dhe i përket tribunave pas portave.
Në tribunën përballë, në tre sektorët qendrorë (E104, E105 dhe E106) bileta kushton 1500 lekë tëreja, teksa në gjithë pjesën tjetër të tribunës, 1000 lekë. Në tribunën kryesore çmimet janë 3000, 4000 dhe 5000 lekë. Aktualisht, biletat mund t’i siguroni në stadiumin “SelmanStërmasi”, nga ora 10:00 deri në 18:00, si dhe “online”. / Panorama Sport
