Profili i fituesit të Stambollit: Nga pasioni për futbollin te martesa me aktivisten e njohur

Ekrem Imamoglou, i njohur si “Pushtuesi i qytetit”, blindoi fitoren e tij për herë të dytë në Bashkinë e Stambollit.

Stambolli që është “kryeqyteti” i ekonomisë turke, pasi përbën një të tretën e saj, Imamoglou në fushatë u fokusua në ekonominë në kolaps të Turqisë.

“Pushtuesi i qytetit” Ekrem Imamoglou, u votua gjithashtu nga njerëz thellësisht fetarë, gjë që ishte një surprizë edhe për vetë Erdoganin, që e pa CHP-në të merrte përqindjet më të mëdha që nga viti 1977.

“Vazhdo, ndrysho gjithçka”, thërriste turma e njerëzve me flamuj të kuq, duke dëshmuar se me modestinë dhe punën e tij, ai fitoi gjuhën e përbashkët me pikënisje të ndryshme politike, sociale, ekonomike dhe fetare.

Ai foli për zemrën e turqve, duke “goditur” Erdoganin në pikën e tij të dobët, duke kërkuar rritje të përfitimeve sociale, investime për një Stamboll “më të gjelbër” dhe transport më të lirë.

“Klintoni turk, por pa… tradhti”, po e quan tani shtypi turk atë.

Imamoglu ka si mbështetje bashkëshorten e tij, Dilek, 4 vjet më të vogël, (që nga viti 1995) dhe nënën e tre fëmijëve të tyre (Mehmet, Semih dhe Beren).

E lindur në vitin 1974, Dilek, është diplomuar në Universitetin e Stambollit për turizëm dhe administratë publike, konsiderohet nga shumë njerëz si forca shtytëse e Ekremit. Ajo që e udhëzon atë.

Dilek nuk është tipike “First Lady” (Zonja e Parë e Stambollit e quajnë), gruaja e zakonshme e një politikani turk.

Ajo nuk mban shami, duke treguar flokët e saj të lyer biondë, mban modën më të fundit dhe shpesh zbulon tatuazhin që ka në krah, një akrep një referencë e drejtpërdrejtë për shenjën e saj të zodiakut, pasi ka lindur më 18 nëntor.

Vetë Dilek është shumë aktive me çështjet sociale dhe merr pjesë në aktivitete të ndryshme për ndërgjegjësimin e personave me aftësi të kufizuara, të drejtat e grave dhe edukimin e fëmijëve.

Karakteristikë e veprimit të saj është se ajo vizitoi Stambollin me një karrocë me rrota për një ditë e shoqëruar nga Semra Çetinkaya, nënkryetare e Shoqatës së Paralitëve të Kordinës Kurrizore të Turqisë, “për të ndjerë vështirësitë me të cilat përballen personat me aftësi të kufizuara dhe për të ndërgjegjësuar”.

Në fakt, në vitin 2014, Dilek Imamoglu mori çmimin ?ükrü Sürmen nga shoqata turke si rezultat i “aktivitetit të saj për ndërgjegjësimin e personave me aftësi të kufizuara”.

Ajo nuk do të hezitojë të përballet edhe me vetë Erdoganin. Ashtu siç bëri në vitin 2022, kur bashkëshorti i saj u dënua me dy vjet e shtatë muaj burg dhe iu hoq e drejta politike për fyerje të zyrtarëve publikë.

“Gjëja e rëndësishme nuk është të qëndrosh në pushtet, por të kesh ende nder”, shkroi ajo, duke iu referuar Ismet Inonu, një ushtarak dhe politikan turk që ishte bashkëpunëtor i ngushtë i Kemalit.

Imamoglu ka shumë të përbashkëta me rivalin e tij të përhershëm, Erdogan. Ai e ka pasion futbollin dhe ka qenë futbollist edhe në nivel gjysmë profesional në rini.

j.l./ dita