Prokuroria e Elbasanit ka kërkuar masën arrest me burg për Sokol Mjacajn dhe për 12 zyrtarët e burgut Peqin të ndaluar, pas vrasjes së Arben Lleshit më 15 dhjetor.
Kërkesa është dorëzuar sot në gjykatën e Elbasanit për vleftësimin e ndalimeve dhe caktimin e masës së sigurimit.
Kujtojmë që ndërkohë, Mjacaj është i dënuar me burg përjetë për vrasjen e dy turistëve çekë në Shkodër.
28 vjeçari Sokol Mjacaj ekzekutoi me armë zjarri të premten të dënuarin Arben Lleshi dhe plagosi Indrit Shaqjan. Mes të ndaluarve për këtë ngjarje të rëndë, të cilët akuzohen për veprën penale “shpërdorim detyre”, është edhe kreu i Burgut të Peqinit, Kamber Hoxha.
Të ndaluarit janë:
Kamber Hoxha, drejtor i burgut Peqin
Qani Muça, shefi i policisë së burgut
Nikolin Gjonpalaj, ish shefi i policisë së burgut
Vilson Shima, shef i regjimit të burgut
Arben Dulellari, specialist informacioni
Fatos Pire, polic shërbimi i IEVP Peqin
Ilir Balla, polic shërbimi i IEVP Peqin
Florenc Mile, polic shërbimi i IEVP Peqin
Genci Muça, punonjës policie i IEVP Peqin
Indrit Dubali, punonjës policie i IEVP Peqin
Klement Haka, punonjës policie i IEVP Peqin
Erjon Çela, punonjës policie i IEVP Peqin
p.k\dita
