Së fundmi është publikuar albumi “Zhvillojmë turizmin nga rakia, pija e trojeve tona”. Ky projekt nga Qendra për Angazhim, Transformim dhe Hulumtime, i financuar nga Agjencia për Mbështetjen e Shoqërisë Civile, shfaq më së traditat dhe pasuritë kulturore të prodhimit të rakisë.
Albumi përmban informacione të hollësishme dhe fotografi mahnitëse të procesit të prodhimit të rakisë, duke filluar nga mbledhja e frutave të freskëta deri te destilimi dhe përgatitja për konsum. Brenda faqeve të tij, lexuesit do të gjejnë histori, fakte interesante dhe makat më në zë të prodhimit të rakisë në vendin tone, të cilët kanë ruajtur dhe përcjellë këtë traditë me dashuri dhe përkushtim ndër breza.
Albumi ofron gjithashtu një guidë të plotë për turistët që kërkojnë të eksplorojnë destinacionet më të mira për të provuar rakinë autentike dhe për të vizituar kantinat e distilimit në rajonet e ndryshme të Shqipërisë. Për më tepër, albumi përfshin këshilla të vlefshme për kombinimin e rakisë me ushqimet tradicionale shqiptare, duke krijuar një përvojë të plotë gastronomike.
Albumet janë shpërndarë dhe promovuar tek bizneset lokale dhe pikat e distilimit, duke mbështetur kështu turizmin dhe prodhimin lokal. Ky veprim ndihmon në forcimin e lidhjeve mes komunitetit dhe vizitorëve, duke u ofruar atyre mundësinë për të shijuar dhe vlerësuar një pjesë të rëndësishme të trashëgimisë tonë kulturore.
Një falënderim i veçantë u shpreh edhe për kantinat dhe pikat e distilimit, për mikpritjen dhe ndihmën e tyre gjatë përgatitjes së këtij albumi të veçantë.
Ky album është një dhuratë e çmuar për të gjithë ata që dëshirojnë të zbulojnë dhe të vlerësojnë trashëgiminë kulturore të Shqipërisë përmes syrit të rakisë tradicionale.
Për ta shfletuar, kliko Guida -RAKIA Shqiptare
