Mbrëmjen e djeshme, pas tubimit paqësor në bulevardin “Dëshmorët e Kombit”, pritestuesit marshuan deri në komisariatin numër 3.
Një numër i konsiderueshëm protestuesish, u vendosën përpara godinës ku mbahen një pjesë e të arrestuarve pas incidenteve të ndodhura të enjten para dhe gjatë seancës plenare në Kuvend.
Gjatë qëndrimit para komisariatit, disa persona, një pjesë të cilëve të maskuar, kanë sulmuar ambientet e komisariatit, duke thyer xhamat dhe orendi që ndodheshin në holl.
Fillimisht ata u vendosën te dera e komisariatit, ku ndodheshin 3 efektivë, që flisnin nëpërmjet xhamit, duke bërë thirrje që të zmbrapseshin.
Por personat e maskuar kanë thyer fillimisht xhamat e jashtëm, për të hyrë më pas brenda.
Shumë nga protestuesit u larguan pas kësaj ndërkohë që mbetet e habitshme pse policia nuk i ndaloi pak personat e grupit të dhunshëm.
Një nga efektivet e ndodhura aty në momentin e incidentit mbeti e lënduar në dorë dhe u desh të transportohej në spital për trajtim mjekësor.
Pas shkatërrimit, policia ndërhyri me makinën e ujit dhe me forca të shumta ndaj protestuesve jashtë, por ata që hynë brenda nuk u ndaluan.
Policia ka deklaruar se “kanë nisur hetimet për identifikimin dhe kapjen e tyre”
j.l./ dita
