Mediat po bëjnë virale edhe filmimet e skandalit të boksierit irlandez. Connor McGregor, luftëtari i famshëm i UFC ka përfunduar së fundmi i akuzuar për ngacmim seksual. Ngjarja ka ndodhur në ndeshjen e katërt finale të NBA mes Miami Heat dhe Denver Nuggets, me një video të publikuar që tregon irlandezin që drejton një vajzë drejt tualetit, aty ku edhe viktima pretendon të jetë abuzuar seksualisht.
Nëpërmjet avokatit të saj, vajza ka ngritur akuza ndaj sportistit irlandez teksa pretendohet se McGregor fillimisht i kishte thënë vajzës që të drejtoheshin për në hotelin ku ai po qëndronte dhe më pas pa dëshirën e saj, e kishte detyruar për t’u futur në tualet.