Policia e Shtetit ka njoftuar qytetarët që kanë planifikuar të udhëtojnë drejt shtetit fqinj se nga ora 09:00 deri në orën 18:00 të së martës, do të ketë vonesa dhe ndërprerje të herëpashershme të punës. Ndërprerjet do të jenë për shkak të punimeve në sistemin e përpunimit të të dhënave, me qëllim instalimin e sistemit të ri SIS.
Bëhet po ashtu e ditur që nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi.
“Për të mos krijuar radhë, pritje të gjata dhe konfuzion në pikat e kalimit kufitar, kërkojmë mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 09:00 – 18:00,” bën apel policia e shtetit.
m.b./dita
