Incidentet e Valencias kanë lënë një shije të keqe në botën e futbollit, një monedhë me dy pamje. Njëra që tregonte gjestet e shëmtuara të tifozëve ndaj një lojtari me ngjyrë që e quanin “Majmun!” në kor dhe tjetra provokimi i vetë Vinicus Jr., ndaj stadiumit që shkaktoi trazirën, por në fund iu fal kartoni i kuq dhe dënimi disiplinor, për shkak të “fuqisë” të presidentit të real Madrid, Fiorentino perez. Prej tre ditësh ai ka gjunjëzuar të gjithë, Polici, Gjykatë, Federatat, Komisionet dhe madje opinionin, duke treguar se nuk mund të preket. Dhe gjesti i fundit gjatë ndeshjes së nisur në orën 19:00 të Real Madrid ndaj Vallecano, derbi kryeqytetas, për La Liga. Në krah kishte lojtarin brazilian, si një shenjë fuqie dhe mbështetjeje ndaj sulmuesit, që mungoi në ndeshje për rrethana të panjohura, teksa nuk u grumbullua nga tekniku Ançeloti. Gjatë takimit pati ovacione ndaj futbollistit, mesazhe dhe banderola në stadium.
