Këto ditë ku Kina dhe Rusia kanë afruar më shumë shtetet dhe përmirësuar marrëdhëniet deri në stërvitje të përbashkëta në brigjet amerikane të Alaskës, vjen tjetër lëvizje nga Moska.
Presidenti rus, Vladimir Putin dhe presidenti iranian, Ebrahim Raisi, zhvilluan një bisedë telefonike sot ku diskutuan “bashkëpunimin në çështjet ndërkombëtare”, duke përfshirë aspiratën e Teheranit për t’u bashkuar me grupin e vendeve BRICS.
Kjo është bërë e ditur nga shërbimi për shtyp i Kremlinit. Putin gjithashtu i shprehu ngushëllimet Raisit për sulmin terrorist të 13 gushtit në mauzoleumin e Shah Cherah në Shiraz, ku një person u vra dhe tetë të tjerë u plagosën.
