Anëtarët e Parlamentit Evropian kanë miratuar një raport vjetor të vlerësimit, ku është përmendur edhe fakti se Serbia nuk ka marrë pjesë në sanksionet e BE-së ndaj Rusisë. Me këtë rast deputetët e Parlamentit Evropian, kanë kërkuar nga Serbia që të përafrohet urgjentisht me qëndrimin e BE-së në lidhje me Rusinë.
“Unë mendoj se ka urgjencë të vërtetë këtu, veçanërisht në rastin e Serbisë, për të bërë disa zgjedhje të rëndësishme të brendshme në këtë bazë”, është shprehur eurodeputeti përgjegjës për raportin, Vladimir Bilcik. Pra Serbia ndodhet në një pozicion shumë të vështirë. Duhet të zgjedhë mes Rusisë, ose Perëndimit.
Brukseli mund të pezullojë dhënien e ndihmës financiare, e cila do të ishte fundi i investimeve të ardhshme dhe të mëparshme. Dhe mund të jetë shumë më keq: fundi i udhëtimit pa viza në BE, i cili është i mundur që nga viti 2009, dhe mund të ketë një pezullim të asistencës së madhe para anëtarësimit të BE-së nga fondet IPA, si dhe heqjen të statusit kandidat. Ultimatumi i qartë ka ardhur nga Gjermania, por edhe nga amerikanët, të cilët për herë të parë në këto muaj i kanë vendosur presidentit serb Aleksandër Vuçiç një afat kohor për të vendosur përfundimisht se cilën anë do mbajë.
I dërguari special i Shteteve të Bashkuara të Amerikës për Ballkanin Perëndimor, Gabriel Escobar, pret që Serbia të vendosë sanksione ndaj Rusisë menjëherë pas formimit të Qeverisë. Ai ua ka bërë të qartë autoriteteve serbe se deri kur do të tolerohen arsyetimet për të mos marrë vendim përfundimtar për sanksionet ndaj Rusisë. Sipas fjalëve të Vuçiç, kjo mund të ndodhë në fund të korrikut.
Serbia, shtet kandidat i BE-së, nuk i ka vendosur sanksione Rusisë për nisjen e agresionit në Ukrainë. Beogradi zyrtar e arsyeton një qëndrim të tillë me “mbrojtjen e interesave jetike të vendit” dhe është arsyetuar gjithashtu me mosforimimin e institucioneve.
j.l./ dita
Gabimi eshte i vete BE kur dihet fare qarte qe Serbia ka taktizuar qe te mbahet me te dy anet: Perendimin dhe Rusine, dhe eshte per te ardhur keq sesi ka mundur te tolerohet kaq gjate kjo sjellje e Serbise, por sikur eshte perkedhelur se mbase nje dite do te mabje anen e Perendimit! Çfare absurdi! Ky hezitim do i kushtoje edhe BE, por edhe vete Serbise, kurse sa per caktimin e afatit se nje dite Serbia do heqe dore nga kursi i saj i paramenduar qysh se moti, kjo as qe ka ndonje shans qe te ndodhe sot as kurre!