Sfida Angli-Sllovaki në fazën e 1/16 të Europianit ishte shumë e tensionuar. Ndeshja u vendos nga aftësitë e Bellingham, i cili barazoi rezultatin në minutën e ‘96, duke e çuar ndeshjen në kohën shtesë dhe më pas me golin e Kane Anglia ia doli të kualifikohej më tej në çerekfinale.
Por në fishkëllimën e fundit të ndeshjes në Veltins-Arena të Gelsenkirchen, trajneri i Sllovakisë Francesco Calzona për pak sa nuk u përplas fizikisht me mesfushorin e Arsenalit, Declan Rice.
Tekniku italin shkoi drejt arbitrit turk Meler për të kërkuar shpjegime për disa episode të ndeshjes, por Rice shpërtheu duke e urdhëruar që të mbyllte gojën.
Mesfushori anglez e shoqëroi thirrjen e tij me disa ofendime, duke iu drejtuar Calzona-s sipas Gazetta dello Sport me fjalët: “Tullac m…”.
Ndërkohë, lexuesi britanik i buzëve Jeremy Freeman tha për Daily Mail se Rice gjithashtu tha: “Qepe, o p…, hesht, o tullac m…”
Në krahun tjetër, trajneri i Sllovakisë i tha Sky Sport Italia se ishte i zemëruar nga taktikat e Anglisë.
“Djemtë punuan aq shumë dhe ndoqën atë që unë kërkova prej tyre në mënyrë të plotë. Në kohën shtesë i vumë përpara dhe ata filluan me humbje kohe dhe pengesa. Isha i zemëruar sepse një minutë shtesë ndërprerjesh me sasinë e humbjes së kohës, veçanërisht nga portieri i tyre nuk ishte i mjaftueshëm.”
j.l./ dita
Mire te ka thene, sepse ne stilin italian, mesuar nga trajneri i tyre, sllovaket u shtrine gjithe pjesen e dyte, dhe nuk ngriheshin me, pa ardhur mjeket, dhe e vonuan lojen per minuta te tera.
Por kur Anglia kaloi perpara dhe portieri qetsonte lojen traineri italian u nervozua..
Pra nuk kishte te drejte qe te kerkonte nga gjyqtari spjegime…