Vajza e Bedrie dhe Xhemal Lokës ka zbuluar detaje nga marrëdhënia e prindërve të saj, ku ka treguar se kanë pasur konflikte prej disa kohësh.
Në dëshminë e dhënë për hetuesit, vajza ka treguar se e ëma, e cila i dha fund jetës me fostoksinë më 2 Janar, ishte në gjendje të rënduar psikologjike.
E bija ka deklaruar se e ëma shumë herë i kishte thënë se do t’i jepte fund jetës, pasi ishte “e lodhur”.
“Gjyshja ime ka kaluar një trompozë dhe babi im nuk e linte mamin të shkonte për vizitë te ajo. Mami im ka qenë shumë e ngarkuar emocionalisht dhe psikologjikisht dhe shumë herë e thoshte se do t’i jepte fund jetës. ‘Jam e lodhur’ thoshte”, thuhet në dëshminë e vajzës.
Ndërkohë ka treguar për tradhtinë e të atit, ku sipas sipas Bedrie Loka i gjeti 45-vjeçarit disa letra në gjuhën franceze.
Sipas vajzës së çiftit, i vëllai ka komunikuar me gruan që i dërgonte letra të atit dhe kjo e fundit i ka konfirmuar se ishin në një lidhje.
Gjithashtu ka zbuluar edhe detaje nga telefonata e fundit, pak para se e ëma t’i jepte fund jetës.
“Komunikimi i fundit që unë e kam bërë me mamin ka qenë rreth orës 22:30 dhe ajo më tha që kishin prapë debat. I thashë; “po leje pra atë muhabet dhe qepe” dhe ajo më tha; “mirë mo mami, mirë se e qep unë”.
Diku nga muaji Shtator 2023 mami i ka gjetur babit disa letra në gjuhën franceze të cilat ja ka dërguar një femër. Ajo ishte një franceze dhe ka komunikuar me vëllain tim dhe i ka thënë që ka pasur një lidhje me Xhemalin. Kjo ka qenë një arsye që e ka vrarë shumë psikologjikisht mamin tim”, ka rrëfyer vajza e çiftit.
j.l./ dita
