Rama në forumin e Bledit: Marta Kos e do Shqipërinë në Union, uroj të bien dakord dhe vendet anëtare

Kryeministri Edi Rama merr pjesë në edicionin e 20 të Forumit Strategjik të Bledit në Slloveni, në diskutimin mbi rolin e shteteve dhe të ardhmen e Bashkimit Europian.

Shqipëria është besnike e Bashkimit Europian, u shpreh Rama, ndërsa theksoi se vendi ynë nuk është lëkundur asnjëherë në raport me dëshirën për t’u bërë pjesë e Unionit.

“Kur vjen fjala për ne dhe për mua, që përfaqësoj vendin tim, është paska ndryshe sepse nëse kryeministri slloven, do të thoshte çfarë mendonte për Brukselin, atëherë nëse e thotë ka shumë për të humbur, ne nuk kemi. Duhet të jemi shumë të hapur dhe nga ana tjetër, përtej asaj se çfarë themi dhe shpreheni, besnikëria jonë nuk është kurrë në dyshim. Si europianë duam të jemi të lirë dhe të shprehim lirisht atë çfarë mendojmë, por kur vjen puna që të ndjekim Europën, ne jemi ndjekës vërtetë besnikë, politika jonë e jashtme është 10% e harmonizuar me politikën e jashtme të BE. As nuk jemi lëkundur dhe as nuk e kemi vënë ndonjëherë në dyshim, sepse kur vjen fjala për besnikërinë jemi disi të verbër dhe kur themi që jemi me ty, jemi me ty deri në fund”, tha Rama.

Kreu i qeverisë tha se Marta Kos e do vendin tonë në BE, ndërsa theksoi se uron që dakordësinë ta kenë edhe vendet aleate.

Rama si gjithmonë fjalimin e tij e nisi me një batutë, duke u shprehur se në Slloveni çdo gjë ka qëndruar njësoj, përveçse karrigëve, të cilat këto të fundit sa vijnë dhe “ngushtohen”.

“Së pari është shumë këndshëm që gjendem këtu në 20 vjetorin e këtij forumi. Dua të bëj dy komente shumë të shkurtra. Pash filmimin dhe u çudita që ish-presidenti mbetej i injëjtë, njësoj si Sllovenia, sa herë vij unë mbeten njësoj. Nuk e di për ça asrye, por karriget bëhen gjithnjë e më të vogla, e më të e vogla mos ka ndonjë mesazh që na përcillni me këtë gjë?”, tha ai duke shkaktuar dhe disa të qeshura.

Duke u ndalur tek Shqipëria dhe integrimin e saj në unionin evropian, Rama u shpreh se vendi ynë nuk është i gatshëm për 2027-ën si vitin e mbylljes së negociatave, por po bën gjithçka dhe “jashtë mundësive” për ta përmbushur këtë vizion.

“Nuk është se ne po themi që jemi të gatshëm për 2027 por falë rekordemenes sllovene të notit kemi objektiva të qarta të hedhura në tryezë nga komisioni që na sfidojnë të realizojmë të gjitha piketat dhe kriterët që të përmbyllim deri në 2027. Këtë po bëjmë. Po shtyjmë po ecim përpara dhe nuk po bëjmë pyetje. Se gjëja më e mirë për të bërë në BE është të ndihesh i lirë në Bled e të thuash po, po, po në negociata“, tha Rama.

E nëse tek Bled udhëheqësit shprehin mendimet e tyre, Rama cilëson se kur ndodhesh në zyrat e Brukselit, e vetmja gjë që të mbetet për të thënë është “po” e të pranosh negociatat e BE-së duke qenë një “nxënës i zëllshëm”. Kështu, Rama e cilësoi BE-në për Shqipërinë si një bekim, jo vetëm për faktin se po hap dyert për ne, por dhe sepse vetëm nga ky union, vendi ynë mund të marrë dije institucionale.

Kreu i qeverisë theksoi se është e rëndësishme që procesin e anëtarësimit, të përdoret si një proces shtet ndërtimi.

“Në Bled vjen të ndash vizionin mendime të ndryshme e pastaj shkon në Bruksel të jesh një nxënës shumë, shumë i zellshëm. Dua të them se nuk ka vend për nxitim se pjesa më e rëndësishme për Shqipërinë, është të përdoprësh procesin e anëtarësimit si proces shtet ndërtimi, sepse Evropa është një bekim për vendet si ne, se është i vetmi vend ku mund të marrësh dije si mund të besh institucionet. Ky është procesi më i vështirë“, tha ai.

Sakaq, Rama u shpreh se puna për anëtarësimin e Shqipërisë është e gjatë, e vështirë, e lodhshme, por e detyrueshme.

“Ajo çfarë kemi në Evropë edhe pse dolëm nga një histori shumë e ngjashme me Irakun, Iranin, a ku di unë sa i përket mungesës së lirisë është dija për ndërtimin e institucioneve. Kështu që për këtë të gjithë në vend duhe të jemi të zëllshëm, e të bëjmë punën. Patjetër nuk na pëlqen domosdoshmërisht, por duhet ta bëjmë“, cilësoi kryeministri.

Për Ramën, Bashkimi Evropian është një guidë për institucionet tona.

Evropa është këtu se si të vendosim semaforët, si të sigurojmë një qarkullim të mirë në jetën institucionale. Po ecim përpara por në kuptimin e udhëheqejes tek ne është populli shqiptar. Ne absolutisht e duam Evropën pa kushte. Kemi bindjen e plotë që një ditë do martohemi“, tha ai.

j.l./ dita