Kryeministri Edi Rama ka refuzuar sërish interpelancën e kërkuar nga kryetari i Grupit të PD-së Rithemelimi, Gazment Bardhi lidhur me investigimin e medias italiane Rai 3 dhe sipas tij, “për ndërhyrjen e papranueshme” të kreut të qeverisë tek drejtuesit e këtij televizioni.
“Çfarë t’u thuash këtyre që i gatuajnë shpifjet në shtëpi të tyre, pastaj i hedhin nga dritarja si akuza, pastaj u fryjnë si era plehrave që shpërndaheshin larteposhtë rrugë më rrugë kur këta, mos o Zot, qeverisnin vendin”, e nis postimin e tij në X, kreu i qeverisë Rama.
Kryeministri i ka quajtur “plehra të nxjerra nga kuzhina e shtëpisë së xhahilëve e çingijeve të vendit tonë të shitura në Itali si zbulime investigative”, publikimet në emisionin “Reporter”.
“Pasi i rinxjerrin rrugëve si prova të ardhura nga jashtë, të thërrasin edhe me urgjencë në parlament, se obobo qenkan shqetësuar në Senatin italian pse unë nuk kam mbyllur gojën”, shprehet kreu i qeverisë, duke theksuar se “mua as nuk më shqetëson fare se kush shqetësohet nga ata që kujtojnë se në emër të lirisë së medias në vendin e tyre, Shqipëria e shqiptarët mund të denigrohen pa bërë as gëk as mëk”.
Kryeministri Rama deklaroi se nuk ka ndërmend që të mbyllë gojën deri kur e vërteta shqiptare të thuhet e plotë në italisht, pa asnjë censurë, sipas tij, “pikërisht aty ku publikut italian iu thanë ato gënjeshtra e shpifje të paketuara në Tiranë”.
Reagimi i kryeministrit Edi Rama:
Çfarë t’u thuash këtyre që i gatuajnë shpifjet në shtëpi të tyre, pastaj i hedhin nga dritarja si akuza, pastaj u fryjnë si era plehrave që shpërndaheshin larteposhtë rrugë më rrugë kur këta, mos o Zot, qeverisnin vendin, pastaj vënë kujën pse u ndotën rrugët e bëra pis prej tyre e i thonë miletit çohu se u qelb kjo punë, pastaj i fusin në thasë plehrat më të bukura e ia hedhin në kurriz çdo të huaji që u del përpara dhe kur ndonjë i huaj (si ata të RAI3-shit) që ka mbetur pa e marrë vesh çfarë malli janë këta vulëhumbur, i nxjerr në rrugë andej si thagma të ububushme, këta i riimportojnë në Shqipëri! E pasi i rinxjerrin rrugëve si prova të ardhura nga jashtë, të thërrasin edhe me urgjencë në parlament, se obobo qenkan shqetësuar në Senatin italian pse unë nuk kam mbyllur gojën, po kam guxuar të ngre zërin andej matanë për t’u vënë emrin që kanë plehrave të shitura në Itali si zbulime investigative, ndërkohë që mua jo që as nuk më shqetëson fare se kush shqetësohet nga ata që kujtojnë se në emër të lirisë së medias në vendin e tyre, Shqipëria e shqiptarët mund të denigrohen pa bërë as gëk as mëk me plehra të nxjerra nga kuzhina e shtëpisë së xhahilëve e çingijeve të vendit tonë, po më vlon gjaku nga revolta për cënimin e imazhit të Shqipërisë e të dinjitetit të shqiptarëve! Prandaj as që nuk më shkon ndërmend të mbyll gojën deri kur e vërteta shqiptare të thuhet e plotë në italisht, pa asnjë censurë, mu aty ku publikut italian iu thanë ato gënjeshtra e shpifje të paketuara në Tiranë.
Po nëse nuk fliska dot kryeministri i Shqipërisë me një drejtor të RAI-t se cënoka lirinë e atyre që cënuan dinjitetin e vendit dhe institucioneve tona, duke censuruar komplet fjalët e të akuzuarve pa asnjë provë e asnjë fre, e pastaj duke i akuzuar se nuk kishin thënë asnjë fjalë, kush do të flasë në emër të dinjitetit të këtij vendi e të së drejtës elementare të çdo shqiptari (qoftë edhe të shqiptarit më të keq, që nuk është fare rasti), për të mos u denigruar publikisht nëpër botë pa i dhënë as mundësinë të mbrohet? Apo do flasin xhahilët e çingijet e Shqipërisë dhe ahengxhinjtë e tyre të klubeve televizive të natës, të cilët kur Shqipëria goditet në një media të huaj e kanë festë e shtrojnë gosti me tava plehrash përpara shqiptarëve, se edhe i gënjen mendja gjynahqarët e paudhë që do ta çojnë miletin në këmbë për muhabetet që qelbin vetë!
Shkurt llafi, s’ka asnjë urgjencë për një poshtërim të radhës të parlamentit të Shqipërisë me një interpelancë të kërkuar nga autorët e prapaskenës së asaj shfaqjeje të shëmtuar në dëm të krenarisë legjitime të çdo shqiptari për Shqipërinë, e në radhë të parë të shqiptarëve që jetojnë me nder e krenari sot në Itali, pasi kanë kaluar një kalvar të tërë poshtërimesh nga artikuj, emisione e gjasme investigime të tilla në të shkuarën e errët të shtypit italian e sidomos të RAI-t ndaj Shqipërisë.
Të mbarojmë njëherë punë me ata andej dhe të thuhet e gjithë vërteta në italisht, pastaj patjetër do t’u vijë radha edhe këtyre këtej, se kjo histori nuk është fare aq e thjeshtë sa duket dhe shqiptarët padiskutim meritojnë ta dinë të gjithën, sapo të tëra petët e këtij lakrori me plehra të jenë hapur deri në fund. Kështu që xhahilët, çingijet e ahengxhinjtë e tyre, le të vazhdojnë tallavanë e tyre me dollitë e gëzimit për denigrimin e Shqipërisë në atë emision skandaloz dhe le të mbrojnë Italinë e lirinë e RAI-it nga ndërhyrjet e mia, se helbete si njerëz pa atdhe që janë, punojnë për çdo të huaj që me qëllim apo nga padija është gati ta denigrojë Shqipërinë, duke nxjerrë në mexhelise jashtë kufijve tanë plehrat e shtëpisë së këtyre këtu.
j.l./ dita
shkurt llafi gjatte llafoi o Ram vet i pranove si opozit dhe bere pazar me ta pasi the qe nuk do ti njifje me kurre
tani shifja hajrin asaj qe bere e boll na u ankove neve publikut geri veri
Nuk degjova te ofendohet Shqiperia dhe populli shqiptar ne Emisjonin e RAI 3.
U permend Agaci,nje emer krejt i panjohur per shqiptaret,u permend Olsi Rama per ato shetitjet me makinen e Xibrrakes,u permend Marreveshja sekrete Rama Meloni,qe sot nuk eshte sekrete,,por jo Shqiperia dhe populli Shqiptar.Perse thote ky Kryeministri:Telefonova drejtorin e RAI t,per te mbrojtur Shqiperine????????????Ku eshte Shqiperia ketu?????????
Pse Agaci,Vetura Sibrrakes dhe Marreveshjet personale te Rames,jane Shqiperia?
Po hike e gji ndonje popull tjeter per te genjyer!
Pergjegjesia eshte Individuale.Vete e ke thene.
Ta taposi RAI 3? Mbaje. Mbaje vete.
Mos ja lere Shqiperise kopilin ne dere!
🫏 demo dhe ju qe kerkoni interpelance :
Keto ndodhin vetem ne shkerdhatokracine e Shqiperise sepse ne demokraci Kur diskutohet midis atdhetarit dhe te huajt mbrohet tendi,por ne na mungojne 3 vitet e para dhe gamorin e hipim mbrapsh!
Hajde dru me pre!
Kjo interpelance, sinqerisht me duket si ajo shprehja dhia q…..t. cjapit i ha b..a. Por cke o Bardhi, le te pergjigjet vete per corben qe ka gatuar. Eshte mesuar me te kap gazetaret nga faqet. Dhe per me teper pizmoset kur vijne raportet per shkeljet e te drejtave dhe lirite e shtypit ne Shqiperi.
Ndoshta dhe ti nuk e ke shume serizisht, kerkon kapital politik ose ben presion per ndonje favor. Ky pafillua, duhet te shkoj ne interpelance se nuk respekton Bardhin, por institucionin e parlamentin, dhe nje te drejt kushtetues qe kane deputet te therrasin ne interpelance kryeministrin. Ne fund te fundit respekton shqiperine, per ate shqiperi qe desh u beri gjemen italianeve.