Lionel Messi është gati të nisë aventurën amerikane me Inter Miami. Ndërkohë, kampioni i botës e ka nisur si titullar miqësoren që Argjentina e luajti përballë Australisë, në Beijing të Kinës, në stadiumin e mbushur plot në të 70 mijë vendet.
80 sekonda i kanë mjaftuar “pleshtin” për të zhbllokuar takimin me një gol shumë të bukur dhe madje me rekord, sepse ishte më i shpejti i karrierës së tij gati dy dekada. Messi mori një top nga Enzo Fernandez, dribloi një kundërshtar dhe dërgoi topin në cepin e portës kundërshtare.
“Sallake” perfekte e shtatë herë fituesit të Topit të Artë dhe festë me shokët e skuadrës. Takimi u mbyll 2-0, teksa në pjesën e dytë shënoi edhe i sapofuturi në lojë, mbrojtësi Pezzella. Argjentina ka programuar një tjetër miqësore më 19 qershor: ndaj Indonezisë.
Sfidë që do të zhvillohet në stadiumin “Stadion Utama Gelora Bung Karno” të Xhakartës, duke nisur prej orës 14:30.
