Një zjarr i madh shpërtheu të shtunën në burgun famëkeq Evin të Iranit, i njohur për strehimin e të burgosurve politikë, gazetarëve dhe shtetasve të huaj.
Videot e shpërndara në internet treguan flakë dhe tym në vend në Teheran dhe mund të dëgjoheshin të shtëna armësh dhe shpërthime. Një zyrtar i cituar nga media shtetërore tha se situata ishte nën kontroll, por nga pamjet dukej se zjarri vazhdonte ende. Irani është përfshirë prej javësh nga protestat antiqeveritare.
Ato shpërthyen për herë të parë muajin e kaluar pas vdekjes së 22-vjeçarit kurd iranian Mahsa Amini në paraburgim nga policia. Zyrtarët thanë se ajo vdiq nga një atak në zemër, por familja e saj e kundërshtoi këtë, duke thënë se ajo ishte rrahur nga policia e moralit.
Rana Rahimpour e BBC Persian tha se ende nuk dihet nëse situata në burg është e lidhur me demonstratat e fundit.
Por kjo mund të ndodhë lehtësisht, tha Rana, pasi qindra protestues janë dërguar në Evin.
Pamjet dramatike të zjarrit dhe tymit u postuan për herë të parë në rrjetet sociale mbrëmjen e së shtunës.
Në disa video dëgjoheshin të shtëna me armë zjarri dhe shpërthime, dhe në të tjera njerëzit mund të dëgjoheshin jashtë burgut duke brohoritur “vdekje diktatorit” – një nga sloganet kryesore të lëvizjes protestuese antiqeveritare.
Familjet e disa të burgosurve i thanë BBC-së se nuk ishin në gjendje të kontaktonin me të afërmit e tyre në telefon dhe se lidhja e internetit përreth burgut dukej se ishte ndërprerë.
233 persona jane vrarë në protestat kundër regjimit Iranian që kanë hyrë në javën e pestë.
j.l./ dita
lenini ka thënë që po u ktheve në difensive në revolucion e humbe revolucionin. edhe populli iranian nuk duhet të mposhtet.
duhet bërë një propagandë e madhe me policët dhe ushtarët që të mos vrasin popullin por klasën në fuqi dhe veglat e tyre