Presioni ndërkombëtar për miratimin e planit franko-gjerman për marrëveshjet ndërmjet Kosovës dhe Serbisë sa vjen e rritet.
Mbrëmjen e sotme, i dërguari i posaçëm i Bashkimit Evropian për dialogun Kosovë-Serbi, Mirosllav Lajçak, pritet të takohet sonte me zëvendëskryeministrin e Kosovës, Besnik Bislimi.
Kështu konfirmoi për Radion Evropa e Lirë Klisman Kadiu, këshilltar për media i zëvendëskryeministrit. Ai tha se Lajçak dhe Bislimi do të takohen për një darkë pune.
REL-i raportoi më herët gjatë dirës së Lajçak mbrëmjen e 25 janarit do të qëndrojë në Prishtinë.
Për këtë vizitë të Lajçakut ende nuk ka detaje të hollësishme, por diplomatët në Bruksel pohojnë se edhe këtë vizitë duhet parë si vazhdim të përpjekjeve dinamike për të bindur palët që të pranojnë propozimin evropian për marrëveshjen bazë për normalizimin e raporteve mes Kosovës dhe Serbisë.
Më 23 janar, Vuçiq deklaroi se propozimi i BE-së është kornizë e re negociuese për Serbinë.
Vizita e së mërkurës vjen disa ditë pasi Lajçak, së bashku me të dërguarin amerikan për Ballkanin Perëndimor, Gabriel Escobar, dhe këshilltarët për politikë të Jashtme të Francës dhe Gjermanisë dhe të Italisë. m.b./dita
