70 mijë çekë protestuan ditën e djeshme në sheshin Wenceslas, Pragë kundër qeverisë lidhur me rritjen e çmimeve të energjisë.
Protestuesit i kanë bërë thirrje koalicionit të qeverisës të veprojë dhe të kontrollojë çmimet në rritje të energjisë.
Ndër të tjerë, çekët të cilët mbushën sheshin kryesor të Pragës shprehën edhe kundërshtime ndaj Bashkimit Evropian dhe NATO-s për inflacionin.
Organizatorët e demonstratave thanë se Republika Çeke duhet të sigurojë kontakte të drejtpërdrejta me furnizuesit e gazit, përfshirë Rusinë.
Protesta në kryeqytet të Çekisë u mbajt një ditë pasi qeveria i mbijetoi një mocioni mosbesimi mes pretendimeve të opozitës për mosveprim ndaj inflacionit dhe rritjes së çmimeve të energjisë.
Votëbesimi tregoi se kriza energjetike e Evropës po nxit paqëndrueshmëri politike, teksa rritja e çmimeve të energjisë ka rritur inflacionin.
j.l./ dita
