Presidenti Emanuel Macron përballet me një moment kritik të hënën, kur Asambleja Kombëtare do të votojë mbi mocionet e votëbesimit të paraqitura pasi qeveria e tij anashkaloi Parlamentin të enjten për të nxitur një rritje të moshës së pensionit.
Lëvizja, e cila pasoi javë të tëra protestash kundër rregullimit të pensioneve, shkaktoi tre netë trazirash dhe demonstratash në Paris dhe në të gjithë vendin, duke kujtuar protestat e Jelekëve të Verdhë që shpërthyen në fund të vitit 2018 për çmimet e larta të karburantit.
Sipas Reuters, ndërsa votat e së hënës mund të shfaqin zemërim ndaj qeverisë së Macron, ato nuk kanë gjasa ta rrëzojnë atë.
Ligjvënësit e opozitës depozituan dy mocione mosbesimi në Parlament të premten.
Grupi qendror Liot propozoi një mocion votëbesimi shumëpartiak, i cili u nënshkrua nga aleanca e ekstremit të majtë Nupes.
Disa orë më vonë, partia e ekstremit të djathtë të Francës Rally National, e cila ka 88 anëtarë të Asamblesë Kombëtare, gjithashtu paraqiti një mocion votëbesimi.
j.l./ dita
