Rusia dhe Ukraina kanë kryer një shkëmbim të shumëpritur të të burgosurve pak përpara Vitit të Ri.
Sipas mediave të huaja, Ministria e Mbrojtjes e Moskës tha se secila palë liroi 150 të burgosur lufte në një shkëmbim të hënën, megjithëse presidenti i Ukrainës, Volodymyr Zelenskyy tha se 189 ushtarë të Kievit ishin sjellë në shtëpi.
Të dyja palët thanë se Emiratet e Bashkuara Arabe kishin vepruar si ndërmjetës, shkruan A2 CNN.
Robërit rusë u liruan në territorin e Bjellorusisë dhe po transferohen në Rusi, tha Ministria e Mbrojtjes.
Presidenti i zgjedhur i SHBA-ve, Donald Trump, ka premtuar se sapo të marrë detyrën në janar të vitit të ardhshëm, do të punojë për një zgjidhje që do të çonte në përfundimin e luftës.
Kujtojmë se mijëra persona, civilë e ushtarakë, kanë humbur jetën në luftën në Ukrainë, pas agresionit të pajustifikuar të nisur nga Rusia ndaj fqinjit të saj perëndimor.
I.b./dita
