“Qytetarët e vendeve anëtare të NATO-s duhet të kuptojnë se NATO është plotësisht e përfshirë në luftën e Rusisë në Ukrainë”, – tha zëdhënësja e Ministrisë së Jashtme ruse, Maria Zakharova, në një konferencë shtypi të premten, raportuar nga agjencia e lajmeve TASS.
“Qytetarët e vendeve të NATO-s duhet ta dinë se Aleanca është plotësisht e përfshirë kundër vendit tonë. Dhe kjo përballje po rritet”, tha Zakharova.
Zakharova kujtoi se Ministrja e Jashtme gjermane, Annalena Baerbock, duke folur në Këshillin e Evropës, “foli troç” kur tha se ata po bënin një luftë kundër Rusisë.
“Përfshirja e drejtpërdrejtë e Uashingtonit në drejtimin e ushtrisë ukrainase u njoh edhe nga presidenti amerikan Biden”, vazhdoi ajo.
“Në fakt, ai njoftoi se në pranverë, do të pasojë një kundërsulm i ushtrisë ukrainase. Pra, kush i merr vendimet në rrugën Bankovaya? (Bankovaya 11 është adresa e zyrës presidenciale të Ukrainës) Ne e kuptojmë që nuk është Zelensky, megjithëse ai pretendon se është vendimmarrësi.”
o.j/dita
