Shefi i NATO-s ka paralajmëruar vendet perëndimore se ata duhet të jenë të gatshëm të ofrojnë mbështetje afatgjatë për Kievin.
Katër muaj pas luftës së Rusisë në Ukrainë, Shefi i NATO-s Jens Stoltenberg i tha gazetës gjermane Bild se perëndimi duhet të përgatitet për një kohë të gjatë.
“Ne nuk duhet të heqim dorë nga mbështetja e Ukrainës. Edhe nëse kostot janë të larta, jo vetëm për mbështetjen ushtarake, edhe për shkak të rritjes së çmimeve të energjisë dhe ushqimeve”, tha Shefi i NATO-s.
Të dielën, presidenti i Ukrainës dhe këshilltarët e tij pohuan se Rusia tani po përpiqet ta bëjë Kharkivin, në verilindje të Ukrainës dhe qytetin e dytë më të madh të vendit, një vijë të re të frontit të luftës.
Brenda pak orësh Ministria e Mbrojtjes e Moskës njoftoi se raketat ruse Iskander kishin goditur një fabrikë riparimi tankesh në Kharkiv. Zëdhënësi i ministrisë pohoi gjithashtu se deri në 20 automjete të dërguara nga perëndimi janë shkatërruar në dhjetë ditët e fundit.
Ndërkohë sulmi i Rusisë në rajonin lindor të Donbasit vazhdon. Banorët në Lysychansk janë të detyruar të strehohen dhe të jetojnë në bodrume në kushte të vështira, duke u përballur me temperaturat e ulëta gjatë natës, ndërsa burimet e ushqimit dhe ujit janë të kufizuara.
Shumica e tyre duan të largohen, por bombardimet e vazhdueshme po e bëjnë lëvizjen thuajse të pamundur.
o.j/dita
