Sipas një raporti të gazetës italiane La Repubblica të botuar më 9 shtator, kancelari gjerman Olaf Scholz po përgatit një “plan paqeje” për Ukrainën në mënyrë që të sjellë Moskën në tryezën e bisedimeve.
Plani thuhet se përfshin lejimin e Rusisë për të mbajtur territoret ukrainase të pushtuara ilegalisht dhe bazohet në hipotezën se Kievi do të pranonte disi lëshime territoriale. Lajmi shkaktoi reagime si nga Kievi ashtu edhe nga Moska, raporton BBC.
Sipas La Repubblica, Scholzi synon të hyjë në histori si “kancelar paqeje” duke përdorur luftën në Ukrainë për të rifituar pozitat e humbura politike. Gazeta citon burime në parlamentin gjerman që pretendojnë se Scholz po punon me disa anëtarë të partisë për një lloj marrëveshjeje që mund të përfshijë transferimin e një pjese të territorit ukrainas në Moskë.
Edhe pse Scholzi nuk ka komentuar zyrtarisht mbi planet e supozuara të “armëpushimit”, ai ka thënë në një intervistë të fundit me kanalin gjerman ZDF se konferenca e ardhshme e paqes duhet të përfshijë Rusinë. Ai përmendi se këtë çështje e ka diskutuar me presidentin ukrainas Volodymyr Zelensky, me të cilin ka marrëdhënie “të mira”.
j.l./ dita
