Sërish masakër në Serbi, 21-vjeçari vret tetë persona dhe plagos 13 të tjerë. Postimi para se të arrestohej

Tronditet sërish Serbia. Pa kaluar 48 orë pas masakrës në një shkollë fillore, një tjetër ngjarje e rëndë ka ndodhur në vend.

8 persona mbetën të vrarë dhe të 13 të plagosur pas të shtënat që ndodhën mbrëmjen e kaluar në Mlladenovc.

Autori është 21-vjeçari Uroš B dhe është arrestuar ditën e sotme.

Ai dyshohet se ka shkuar në shtëpi, ka marrë një kallashnikov dhe ka qëlluar mbi njerëzit pas një debati me shokët e tij në oborrin e shkollës në qytetin e Dubonës rreth orës 23:00.

Pasi ka plagosur një numër të madh personash, ai ka hipur në një makinë dhe ka nisur të qëllojë në disa fshatra.

Ai qëlloi teksa ishte në makinë, duke lënë të vdekur një polic madje edhe motrën, një nga vëllezërit, kunatën dhe një djalë 13-vjeçar.

Sipas informacioneve të pakonfirmuara mes të plagosurve ka edhe fëmijë.

Ai u largua me një mjet tip ‘Mercedes’ nga zona, ndërsa u arrestua mëngjesin e sotëm.

Dyshohet se autori është djali i një ushtaraku dhe konsiderohet si person problematik. Prej më shumë se 4 orësh autori është i arratisur dhe banorët e fshatrave përreth zonës ku ka ndodhur ngjarja e rëndë janë ngujuar në shtëpitë e tyre.

Në rrjetin social Instagram, ditën e sotme pak para arrestimit nga Policia, është shfaqur fotografia e të dyshuarit për vrasje masive në Mlladenoc, me emrin Uroš B. Kurir.  Raporton se autori mund të ketë krijuar këtë adresë teksa ndodhet në arrati.

Ky person, ka postuar edhe në story. Deri më tani, nuk ka asnjë konfirmim nëse ai krijoi një profil të ri në Instagram nga një vend i panjohur, apo nëse kjo është krijuar nga dikush që e mbështet.

Në foton në Instagram, është publikuar një mesazh rrëqethës, i shoqëruar me muzikë nga filmi “South Wind”:

“Na keca prangijam” shkruhet, që do të thotë ‘do të të gëlltis’, duke u shoqëruar me një shenjë grushti.

j.l./ dita