Ish-lojtari holandez, Wesley Sneijder, nuk ishte i impresionuar nga gjuajtjet e lira të Declan Rice, teksa ai shënoi dy gola të mrekullueshëm për Arsenalin në fitoren 3-0 ndaj Real Madridit ditën e djeshme.
“Unë nuk mendoj se goditjet e lira ishin aq mbresëlënëse. Mund të tingëllojë e çuditshme, por është shumë e lehtë të gjuash topin në atë mënyrë kur di të gjuash. Unë di gjithçka për këtë. Gabimi ishte në murin e mbrotjes”, tha Sneijder, sipas The Sun.
“Ishte e njëjta gjë me goditjen e dytë të lirë. Ne pamë Courtois duke lëvizur në anën e djathtë, pak para se Rice të gjuante. Gabim i portierit,” shtoi Sneijder.
Ish-mesfushori ka luajtur ndër të tjera për Real Madrid, Inter, Ajax dhe Galatasaray. Për Holandën, ai ka shënuar 31 gola në 134 paraqitje.
d.t/dita
