Një ngjarje e rëndë ka tronditur kryeqytetin, ku një 14-vjeçar ka ndërruar jetë pas një sherri me thika me dy bashkëmoshatarë të tjerë.
Gazetarja e Euronews Albania, Ortensa Budlla raportoi nga “Spitali i Traumës” detaje të tjera mbi ngjarjen që tronditi kryeqytetin ku ndër të tjera tha se dyshohet se konflikti ka ndodhur për shkak të një përplasjeje në rrjetet sociale, ku janë përfshirë dy grupe adoleshentësh.
Duket se pas përplasjes në rrjetet sociale, dy të rinjtë janë sulmuar nga bashkëmoshatarët e tyre, gjë që solli vdekjen tragjike të njërit prej tyre dhe plagosjen e shokut të tij.
14-vjeçari me inicialet L. M. që ka marrë goditje në gjoks, ndodhet në gjendje shëndetësore stabël, nga burime të pakonfirmuar në një spital privat, ndërsa 14-vjeçari M.C i cili banonte në zonën e Saukut ka ndërruar jetë.
