Inspektoriati Shtetëror i Mbikqyrjes së Tregut ka sqaruar shkaqet që ccuan në shkëputjen ashensorit në një prej apartamenteve në zonën e Astirit.
Në reagimin zyrtar ISHMT thotë se ashensori pësoi defekt si pasojë e mbingarkesës dhe se nuk rezulton i regjistruar pranë Inspektoriatit Shtetëror të Mbikqyrjes së Tregut.
ISHMT thekson se ndërtuesi apo administratori i pallatit nuk ka paraqitur asnjë aplikim për regjistrim ndërkohë që ashensori ka qenë në funksionim që nga viti 2012.
Në këto kushte nga ana e inspektorëve u morën masat urgjente e heqjes nga funksionimi i ashensorit deri në mënjanimin e gjithë të metave teknike të konstatuara.
m.b./dita
