“Shkodra Elektronike” me këngën “Zjerm” ka triumfuar mbrëmjen e djeshme duke kaluar në finale e Eurovision 2025. Në momentin kur prezantuesit e festivalit thirrën emirn e Shqipërissë, këngëtarja Beatriçe festoi e lumtur teksa para kamerës bëri shqiponjën dykrenare me duar.
Kjo lëvizje e saj, nuk i ka shpëtuar mediave serbe, të cilët kanë reaguar menjëherë duke e quajtur një provokim nga ana e saj. Sipas mediave serbe, nxjerrja në pah të simboleve që kanë ndonjë konotacion provokues i ndaluar në Eurovision.
Ndërkohë, audienca serbe ka vërshuar me komente, duke thënë se ndihen të provokuar:
“Kjo do t’u kushtojë një vend, nuk kishte nevojë të provokoheshin serbët”, “Ja, ju i lavdëroni, dhe ata qeshin me ju”,
“Në fund të fundit, si mund ta mbështesë ndonjëri prej nesh Shqipërinë nga zemra?! E di që shumë trashëgojnë budallallëk, por kjo është shumë”, ishin disa prej komenteve.
i.b./dita
