Për më pak se një javë nafta në Shqipëri është rritur me 9 Lekë.
Sot një litër naftë po tregtohet me 185 Lekë nga 176 që tregtohej një javë më parë, çmim që qëndroi i pandryshuar që kur Bordi i Transparencës u shfuqizua më 7 Qershor.
Rritja e çmimeve ka prekur edhe benzinën. Në pikat e karburanteve po tregtohet me 188 Lekë për litër.
Shoqata e Shoqërive të Hidrokarbureve kontaktuar nga mediat thotë se rritja e çmimeve vjen si rezultat i shtrenjtimit të karburanteve në bursa.
Sot nafta e papërpunuar e Londrës shitet 85.63 Dollarë për fuçi, ndërsa ajo amerikane me 81.42 Dollarë për fuçi.
Por duhet theksuar se çmimet e sotme të arit të zi të papërpunuar në bursat ndërkombëtare është për kontratat e Shtatorit.
Në kohën kur Bordi i Transparencës u shfuqizua nafta Brent ishte thuajse 13 Dollarë më lirë për fuçi. (72.53 Dollarë për fuçi).
Ndërkaq sipas agjencisë së lajmeve “Reuters”, inventarët e naftës në Londër kanë filluar të bien dhe kërkesa po tejkalon ofertën pasi lideri i OPEC Arabia Saudite ka kufizuar sasinë e naftës me të cilat furnizon vendet e tjera.
Parashikimet janë që çmimet të rriten në muajt e ardhshëm.
Tjetër çmenduri në Shqipëri! Çmimi i naftës rekord botëror 185 lekë, duhej 150 lekë. Çmimi në bursë më i ulëti. Dollari 20% më i ulët se 3 muaj më parë. Karburanti 60-70 lekë/litër më shtrenjët se në rajon. Qeverisë i interesojnë Oligarkët, jo Qytetarët!
Çmimet e naftës dhe benzinës në vend kanë shënuar një rritje të dytë brenda pak ditësh, me 11-19 lekë/litër!
Tek, operatorët më të mëdhenjtë në vend: -Një litër Naftë 185 lekë/litër, nga 174 lekë që ishte! -Një litër Benzinë me 188 lekë/litër, nga 169 lekë që ishte!
Operatorët e tregut pohojnë se ka rritje në bursa, por është e pavërtet, pasi çmimi është poshtë 85 $ për fuqi, aq sa ishte para luftës në Ukrainë.
Operatorët para 3-4 muajsh ankoheshin se është rritur vlera e dollarit dhe euros, sot çmimi i tyre është në nivelin më të ulët historik.
Importuesit e naftës vetëm nga rënia e euros kanë përfituar 20% të xhiros ekstra fitim për kompaninë!
Treguesi referencë i naftës, “Brent” është poshtë 85 dollarë për fuçi, Dollari është 20% më i ulët.
Nafta duhet të ketë çmimin maksimalisht 150 lekë për litër nëse marrim referencat e çmimit të bursës dhe vlerës së dollarit, krahasuar dhe me mars 2022.
Pra dollari, që është monedha me të cilën tregtohet karburanti ka rënë ndjeshëm afër 90 lekëve, nga 110 lekë që ishte para 3 muajësh.
Qeveria bashkëpunon me oligopolin e karburanteve apo me qytetarin e thjeshtë? Autoriteti i Konkurencës, Ministria dhe Qeveria nuk ndërhyjnë, nuk ju intereson qytetari, por oligarkët e karburanteve që janë përfituesit më të mëdhenjë nga rënia e valutës, rënia e çmimeve!!