Sipas një sondazhi të ri të publikuar sot në Top Channel, 56,3% e qytetarëve të Tiranës kanë shumë ose mjaftueshëm besim te kryetari i Bashkisë së Tiranës, Erion Veliaj.
Kjo është gjetja e sondazhit të realizuar nga kompania italiane “Angi Ricerche”.
Sipas këtij sondazhi ku janë pyetur 1017 persona, shumica e qytetarëve të Tiranës kanë besim te kryetari aktual i Bashkisë së Tiranës.
Ndërkohë, kandidati i propozuar nga Sali Berisha dhe Ilir Meta, Belind Këlliçi, ka marrë besimin e 35,1% të qytetarëve.
Veliaj thellon fitoren në Tiranë, merr 54% mbështetje
Kryebashkiaku aktual i Tiranës, është fitues i zgjedhjeve të 14 Majit me një diferencë të madhe me kundërshtarët e tij, sipas sondazhit të parë të realizuar nga Top Channel në bashkëpunim me kompaninë “Angi Richerce”, për periudhën 20-25 mars.
Nëse qytetarët e Tiranës do të votonin sot për Bashkinë, sondazhi nxjerr fitues Veliajn me 53.8% të votave, kundrejt 32.9% për Belind Këlliçin. Pra, mes tyre ka një diferencë prej 21 pikësh.
Edhe në sondazhet e tjera të publikuara deri më sot nga EuroNews apo Report TV, Veliaj shfaqet në kuota të njëjta.
i.b. / dita