SPAK jep detaje nga mega-operacioni i kapjes së 3 laboratorëve të kokainës

SPAK ka dhënë detaje nga megaoperacioni i kryer mbrëmjen e të premtes në disa qytete, ku u zbuluan tre laboratorë të sofistikuar droge, që përdoreshin për përpunimin e kokainës.

Laboratorët u gjetën në disa zona të Shqipërisë, përfshirë një në Qerekë të Fushë-Krujës, një te Kodra e Diellit në Tiranë dhe një tjetër në Durrës.

Sipas SPAK hetimet në lidhje me operacionin kanë nisur në vitin 2023 dhe përgjatë një viti u zbulua mekanizimi si funksionte sjellja e kokainës nga vendet e Amerikës Latine.

Prokuroria e Posaçme ka sekuestruar 48 ton material të papërpunuar dhe 850 lëkurë gjedhi në të cilët dyshohet se fshihej kokaina, e cila rikthehej në formë e drogës për shitje përmes një procesi kimik që kryej nga kimistët e ardhur nga Amerika Latina.

Kokaina vinte në Shqipëri e papërpunuar nga vendet prodhuese të Amerikës së Jugut, dhe pasi përpunohej në laburatorët e gjetur, transportohej për t’u tregtuar drejt vendeve të BE-së.

Detajet e Hetimit

Prokuroria e Posaçme Anti-Korrupsion (SPAK) njoftoi se ky rrjet kriminal vepronte duke importuar drogën nga vendet e Amerikës Latine dhe më pas duke e përpunuar në laboratorët e ngritur në Shqipëri, për ta shpërndarë në tregun evropian. Hetimi i deritanishëm ka çuar në arrestimin e shtatë shtetasve shqiptarë dhe tre shtetasve të huaj nga Amerika Latine, duke përfshirë dy venezuelianë dhe një kolumbian.

Provat e sekuestruara përfshijnë:

• 48 ton material të papërpunuar (rreth 850 lëkurë gjedhi) nga Amerika Latine, ku dyshohet se fshihet kokainë.
• 6.1 kg kokainë të përpunuar.
• Shuma të konsiderueshme parash, përfshirë 36,270 euro, 357,046 lekë, dhe 57 milionë peso kolumbiane.
• Pajisje laboratorike, përzierës kimikë dhe mjete për fshehjen dhe transportin e drogës.

Tipologjia e Grupit Kriminal

Rrjeti ishte strukturuar në mënyrë të organizuar, duke përfshirë role të caktuara si financues, transportues, përpunues dhe shpërndarës. Përfshirja e ekspertëve nga Amerika Latine ishte vendimtare për suksesin e operacionit, për shkak të ekspertizës së tyre në përpunimin e kokainës nga materiale organike si lëkurat e bagëtive. Laboratori kryesor në Qerekë të Fushë-Krujës dhe ambientet ndihmëse në Tiranë dhe Durrës ishin pozicionuar në zona strategjike për të evituar mbikëqyrjen e autoriteteve dhe për të lehtësuar transportin.

SPAK ka theksuar rëndësinë e bashkëpunimit ndërkombëtar në këtë operacion, duke nënvizuar se ky hetim tregon përkushtimin e autoriteteve për të luftuar rrjetet kriminale që kërcënojnë sigurinë e vendit dhe rajonit.

Prokurori i çështjes, Adnan Xholi, theksoi rëndësinë e përdorimit të mjeteve të posaçme të hetimit për të goditur një nga rrjetet më të sofistikuara të trafikut të drogës që është shfaqur ndonjëherë në Shqipëri.

Në analizën e brendshme të deritanishme të këtij hetimi, Drejtuesi i Prokurorisë së Posaçme, Altin Dumani, e konsideron atë si një moment kyç në luftën kundër krimit të organizuar në Shqipëri:

“Ky hetim është dëshmi e qartë se SPAK është i përkushtuar për të ndjekur dhe goditur rrjetet kriminale që kërcënojnë sigurinë dhe drejtësinë në vendin tonë. Suksesi i deritanishëm i këtij procedimi penal tregon se bashkëpunimi ndërkombëtar dhe ekspertiza e brendshme janë çelësi për rezultate konkrete.”

Ndërkohë, prokurori i çështjes, Adnan Xholi, theksoi rëndësinë e përdorimit të mjeteve të posaçme të hetimit në zbardhjen e këtij rrjeti:

“Ky hetim na ka treguar një model të ri dhe

kompleks të trafikut ndërkombëtar të drogës, ku ekspertiza e huaj kombinohet me elementët lokalë për të ngritur një sistem të integruar kriminal. Goditja e këtij rrjeti është një sinjal i fortë për të gjithë ata që mendojnë se mund të operojnë të pandëshkuar.”

Një falënderim i veçantë shkon për partnerët tanë vendas dhe të huaj, Prokurorinë pranë Gjykatës së Shkallës së Parë të Juridiksionit të Përgjithshëm  Durrës dhe Drejtorinë e Policisë së Shtetit për profesionalizmin e treguar gjatë fazës së arrestimit në flagrancë, sekuestrimin e provave materiale dhe produkteve të aktivitetit kriminal.

i.b./dita