Sekretari i Përgjithshëm të NATO-s, Jens Stoltenberg, në një intervistë për CNN, në Konferencën e Sigurisë në Mynih në Gjermani, tha se në prag të 1-vjetorit të pushtimit të Ukrainës, nuk ka asnjë shenjë se presidenti rus Vladimir Putin ka ndryshuar ambiciet e tij.
Sipas tij, madje po shihet e kundërta. “Ai nuk po planifikon për paqe. Ai po planifikon për më shumë luftë”, tha Stoltenberg.
Shefi i NATO-s vuri në dukje luftën në qytetin lindor të Ukrainës, Bakhmut, ku forcat ruse, të ndihmuara nga grupi mercenar Ëagner, kanë intensifikuar përpjekjet e tyre që kur morën kontrollin e qytetit fqinj të minierave të kripës, Soledar.
“Nëse kjo është ofensiva e madhe pranverore apo nëse është thjesht një lloj paraprirje për këtë, është pak e vështirë të thuhet”, shtoi ai. “Por ata po dërgojnë gjithnjë e më shumë trupa dhe gjithnjë e më shumë armë”, tha Stoltenberg ndër të tjera.
