Një lëvizje studentësh që protestojnë kundër qeverisë së presidentit Aleksandar Vuçiç për një vit e gjysmë, kanë paraqitur një memorandum për Kosovën, në të cilin refuzojnë pavarësinë e saj dhe kërkojnë gjetjen e një zgjidhjeje të qëndrueshme në marrëveshje me komunitetin ndërkombëtar.
Mediat serbe shkruajnë se memorandumi i studentëve është publikuar në llogaritë zyrtare të rrjeteve sociale të studentëve. Në memorendumin e tyre thuhet se Kosova konsiderohet pjesë e patjetërsueshme dhe integrale e Serbisë, ndërsa theksohet se ruajtja e rendit kushtetues serb në këtë territor shihet si garanci për mbijetesën e shtetit serb dhe paqen në rajon.
“Kosova janë pjesë e patjetërsueshme dhe integrale e Republikës së Serbisë. Ky fakt nuk është vetëm një kategori kushtetuese, por një imperativ historik dhe moral që nuk i nënshtrohet negociatave për thelbin e tij.
Ruajtja e rendit kushtetues të Serbisë në territorin e Kosovës dhe Metohisë është themeli i mbijetesës së shtetit serb dhe një zotim për paqe të drejtë në rajon,” thuhet në një pjesë të memorendumit të tyre.
Studentët kanë paralajmëruar një protestë të madhe në Beograd për 23 maj. Kërkesa e tyre kryesore është thirrja e zgjedhjeve të parakohshme parlamentare, në të cilat pritet të marrin pjesë me të ashtuquajturën listë studentore.
j.l./ dita
