Një sulm i armatosur është regjistruar në orët e para të mëngjesit të sotëm në Athinë ku ka mbetur i plagosur me tre plumba një shqiptar.
Ngjarja mësohet se ka ndodhur pak para orës 04:00 në një park në rrugën Sidirokastro në zonën e Botanikos.
Nga sulmi mbeti i plagosur 34-vjeçari shqiptar, Renis Fajzolli.
Fajzolli ndodhej në një park kur disa persona iu afruan dhe qëlluan ndaj tij me tre plumba.
Nga të shtënat 34-vjeçari mbeti i plagosur në bark dhe i është dashur të udhëtojë vetë me makinë drejt patrullës më të afërt ku ka kërkuar edhe ndihmë.
Sipas policisë i riu shqiptar, është dërguar në spitalin Giorgos Gennimatas ku po trajtohet për dëmtime në bark.
Policia gjeti në vendngjarje 3 gëzhoja të një pistolete 9mm, ndësa makina e markës Smart e viktimës do t’i nënshtrohet kontrollit për gjetjen e ndonjë gjurme të autorëve.
Zona në të cilën ndodhi ngjarja është arenë e përballjes mes bandave të gjobëvënjeve të lokaleve të natës në Athinë.
Mësohet se i riu shqiptar rezulton me precedentë penalë për drogë.
34-vjeçari shqiptar u arrestua në vitin 2019 për një çështje droge dhe për vjedhje.
j.l./ dita
