Një sulm me thikë ka ndodhur të hënën në qytetin verior të Izraelit, Haifa, ku të paktën një person humbi jetën dhe katër të tjerë u plagosën ndërsa autoritetet izraelite njoftuan se sulmuesi është vrarë.
Një adoleshent dhe dy persona rreth të 30-ave kanë marrë plagë serioze, ndërsa një grua në të shtatëdhjatat thuhet se ndodhet në gjendje të mesme, sipas raporteve të mediave lokale, duke cituar autoritetet izraelite.
Adoleshenti, i cili thuhet se është 15 vjeç, ka kaluar një operacion dhe tani ndodhet në gjendje stabile.
Sulmi me thikë, të cilin policia e trajton si një sulm të militantëve, ndodhi në një stacion autobuzi. Një roje sigurie dhe një qytetar neutralizuan sulmuesin, identiteti i të cilit nuk është bërë ende i njohur.
“Duke qenë se identiteti i terroristit të eliminuar nuk është ende i qartë, ne po skanojmë zonën për të përjashtuar praninë e sulmuesve të tjerë”, tha kreu i Policisë Izraelite, Daniel Levy, në një deklaratë të hënën.
Ndërkohë, policia ka bërë të ditur se sulmuesi ishte një qytetar izraelit me origjinë arabe, i cili ishte kthyer në vend pas një periudhe qëndrimi jashtë vendit.
j.l./ dita
