Sulmet ajrore ruse në Ukrainë, të konsideruar si më fuqishmet që prej nisjes së luftës kanë shkaktuar vdekje e 11 personave deri më tani, ndërsa 64 kanë mbetur të plagosur.
Raportohet se nga sulmet ka humbur jetën dhe kreu i departamentit të policisë kibernetike të Ukrainës, Yuri Zaskoka, raporton Nexta.
Agjencia ruse Ria Novosti thekson se një nga raketat e lëshuara nga forcat e armatosura ruse në Kiev këtë mëngjes ka rënë në rrugën ku ndodhet shërbimi ukrainas i sigurisë dhe pranë zyrës së presidentit Volodymyr Zelensky.
Në një deklaratë në rrugët e Kievit, Presidenti i Ukrainës, Volodymyr Zelensky ka folur mbi situatën në terren duke thënë se mëngjesi i sotëm ishte i vështirë dhe se dhjetëra raketa kanë goditur Ukraninën. Zelensky pretendoi se Moska kishte përdorur armë të prodhuara nga Irani, duke shtuar se Rusia kishte dy objektiva. Objektivat ruse sipas Zelenskyt ishin shkatërrimi i sistemit energjitik të Ukrainës dhe shfarosja e civilëve.
Teksa duket se çdo detaj ka dalë në dritë falë raportimeve të shpejta më zë e figurë nga Ukraina, për agresorin e gjithë kësaj lufte, gjithçka është një përgjigje e ashpër nëse cënohet Rusia. Putin në një lidhje direkte, pranoi që sulmet vijnë si hakmarrje nga shpërthimet në urën e Krimesë ndërsa paralajmëroi përgjigje të ashpër ndaj çdo provokimi.
Nga ana tjetër, të gjithë liderët evropiane janë bërë bashkë duke dënuar sulmet e paprovokuara tndaj Ukrainës.
j.l./ dita
