Gjykata Themelore në Prishtinë ka aprovuar kërkesën e Prokurorisë Speciale që të lëshohet urdhërarrest ndërkombëtar ndaj Milan Radojiçiç dhe ndaj dhjetë personave të tjerë në kuadër të veprimeve hetimore që po ndërmerren në rastin e vendosjes së barrikadave në komunat veriore në Kosovë në vitin 2022.
Gjykata Themelore në Prishtinë njoftoi se autoritetet po hetojnë rreth 50 persona për veprat penale “pengim i personit zyrtar në kryerjen e detyrave zyrtare”, thirrjen për rezistencë” dhe “bashkim për veprimtari kundër kushtetutës”.
“Urdhër-arresti është lëshuar në kuadër të veprimeve hetimore që janë duke u ndërmarrë në rastin e vendosjes së barrikadave në katër komunat veriore në vitin 2022. Përveç Radojiçiç, Prokuroria Speciale ka lëshuar urdhër-arrest edhe ndaj 10 personave tjerë të dyshuar në këtë rast”, është përgjigjur për mediat lokale zëdhënësja e Prokurorisë Speciale, Arbnora Luta.
Milan Radojiçiç ishte një ndër njerëzit kyç që luajti rol të rëndësishëm gjatë krizës së barrikadave. Ai gjithashtu është i dyshuari kryesor për sulmin e shtatorit të vitit 2023 në Banjska të Zveçanit.
i.b./dita
Serbia e sakrifikon Radoicicin per te bere Kosoven me Associacione serbe dhe per te shkeputur Mitrovicen.
2 Vendime Kardinale ke perpara Albin Kurti.1-Mosnjohja e Associacioneve si kusht per Marreveshje me Serbine 2-Sakrifikoje edhe Ti ate Albulenen.Sikur flori e Diamant te jete,nuk vlen sa Kosova.