“Ta mbush barkun me plumba” (!) Nuk mjaftojnë vrasjet, në Shkodër plas edhe mes vetë policëve

Dy efektivë, njëri i FNSh dhe një i forcave Shqiponja janë konfliktuar fizikisht në Shkodër mbrëmjen e së mërkurës.

Gazetari Eraldo Harlicaj, në një lidhje direkte nga Shkodra në Top Story, zbuloi se bëhet fjalë për efektivët Albert Kapaj dhe Altin Preka, dhe shkaku i konfliktit mes tyre, pretendohet të jetë një gjobë.

“Sikur të mos mjaftonin vrasjet në Shkodër, edhe uniformat blu kanë përplasje me njëri-tjetrin. Rreth orës 20:00, një nga efektivët, është kërcënuar nga një koleg. Albert Kapaj, punonjës i FNSH, ka pasur përplasje fizike me Altin Prekën, punonjës i Forcave Shqiponja. Kërcënimi ishte që do e vriste dhe do e mbushte me plumba”, raportoi gazetari.

Janë shoqëruar në polici Albert Kapaj, polici i FNSH dhe Alfons Kapaj, vëllai.