Presidenti i Ukrainës, Volodymyr Zelensky ka zbuluar se çfarë bisedoi me kandidatin republikan për presidencialet në SHBA, Donald Trump. Ky takim është konsideruar nga mediat si i “ftohtë” mes dy zyrtarëve pasi ish-presidenti amerikan u mburr për “marrëdhëniet e tij shumë të mira” me liderin rus Vladimir Putin para mediave dhe presidentit ukrainas.
Ata u takuan në Trump Tower në New York dhe mësohet se diskutuan për luftën. Në një intervistë të mëvonshme për Fox News, Zelensky zbuloi se çfarë i kërkoi Trump gjatë takimit të tyre.
“Më bëri shumë pyetje”, u shpreh Zelensky.
“Trump pyeti: Çfarë shihni tani, si është situata në fushën e betejës? Si e shihni mbështetjen nga Shtetet e Bashkuara? Pse mendoni se Putini filloi pushtimin”, tha Zelensky.
Ai tha se Trump i tha atij se mbështet Ukrainën dhe “ai do të jetë në anën e tyre sepse ai do të mbështesë Ukrainën”.
“Unë mendoj se ne e kuptojmë më mirë se të gjithë, përfshirë Donald Trump, se çfarë po ndodh në Ukrainë dhe si ta ndalojmë Putinin”, deklaroi ndër të tjera Zelensky.
j.l./ dita
Zelenskij!Te duhet nje kapedan Izraelit,qe te mos e rruaje trapin se nmos e kalon rraketa gardhin dhe bie ne Rusi.