Turqia dhe Shtetet e Bashkuara kanë nënshkruar të enjten një marrëveshje të rëndësishme për bashkëpunimin në fushën e energjisë bërthamore, me synim për përdorim civil dhe jo-ushtarak.
Ministri turk i Energjisë, Alparslan Bayraktar, dhe senatori amerikan Marco Rubio nënshkruan një Memorandum Mirëkuptimi mbi Bashkëpunimin Strategjik Bërthamor për Përdorime Civile, gjatë një ceremonie zyrtare.
Sipas ministrit turk, kjo marrëveshje do të ndihmojë në sigurimin e qëndrueshmërisë dhe sigurisë energjetike për rajonin.
“Qëllimi ynë është të bashkëpunojmë me Shtetet e Bashkuara në ndërtimin e centraleve bërthamore. Kjo marrëveshje shënon një hap të madh drejt bashkëpunimit strategjik dhe shumëdimensional mes dy vendeve”, u shpreh Bayraktar për CNN Türk.
Marrëveshja parashikon ngritjen e centraleve bërthamore të cilat do të ndërtohen dhe operohen me mbështetjen teknike dhe financiare të të dy palëve, duke forcuar sigurinë energjetike të Turqisë dhe rajonit më gjerë.
j.l./ dita
