Këtë fundjavë ora kthehet prapa në të gjithë Evropën – por një grup prej 67 anëtarësh të Parlamentit Evropian (PE) po thonë se kjo praktikë duhet të hiqet.
Ashtu siç ndodh zakonisht ndryshimi bëhet rreth orës 03:00 të mëngjesit. Pra, akrepat do të kthehen 1 orë pas, në 3 të mëngjesit midis së shtunës 26 dhe të dielës 27 tetor, duke i ripozicionuar në orën 2.
“Është koha për t’i dhënë fund ndryshimit të orës dy herë në vit, i cili është vërtetuar se ka efekte negative në shëndetin, mirëqenien dhe sigurinë,” tha eurodeputetja Seán Kelly në një deklaratë, së bashku me një letër dërguar Presidentes së Komisionit Evropian Ursula von der Leyen.
“Ka një marrëveshje të gjerë në të gjithë spektrin politik se ndryshimi i orës duhet të përfundojë … është një masë praktike dhe popullore,” shtoi Kelly.
Praktika e ndryshimit të orës për të përfituar nga drita natyrale e ditës daton dekada më parë dhe aktualisht është përcaktuar nga një direktivë e BE-së e vitit 2001.
Një konsultim online mbi praktikën e kryer nga Komisioni në vitin 2018 gjeneroi një rekord prej 4.6 milionë përgjigjesh, nga të cilat 84% favorizuan heqjen e ndryshimit të orës.
Komisioni kishte konkluduar më parë se, “ndërsa shmanget fragmentimi, shtetet anëtare janë në vendin më të mirë për të vendosur nëse duan të mbajnë orën e përhershme verore apo dimërore”.
Jo, kjo nuk do jetw hera e fundit, sepse nuk vendos vullneti i zgjedhwsve europianw, por bosat e firmave ne pak vende te gjeresise gjeografike midis 20° dhe 40°, ku ia vlen ndryshimi i ores: 1 orw. Zonat mw nw veri se 20° dhe 15° nuk perfitojne shume nga ndryshimi prej 1 ore i sahatit, prandaj vendet nordike nuk e bwjne mw kwtw lojw; aq me pak perfitojne zonat drejt ekuadorit, ato nwn 40° e 50°, ku dielli rreh edhe heret ne mengjez.
Mosndryshimi ende i ores ne vende si Gjermania, Franca, Italia dhe ne vende skerbythje qe u shkojne pas ketyre me te medhave, si Shqiperia, Greqia, Maqedonia, Kosova, Mali i Zi, Bullgaria e ndonje tjeter, tregon demokracine europiane, tregon te drejtat e qytetarit te EU-s dhe jashte EU-s! Jetojme ne demokracine: mbill presh e vil lesh!