Orët e fundit vendi ynë po përballet me një mot të keq, me reshje shiu dhe bore.
Ndërsa Autoriteti Rrugor informon mbi situatën në terren.
Mësohet se gjatë natës ka rënë intensiteti i reshjeve të borës në zonat veriore, por është rritur në juglindje.
Në pjesën Qafë Thanë-Doganë ka pasur erë të fortë.
Temperaturat kanë qenë në ulje duke shënuar deri në -11 °C në zonat malore. Grupet e punës me mjetet borëpastruese në terren kanë bërë pastrimin e rrugëve nga dëbora dhe shpërndarjen e kripës për të evituar ngricat. Qarkullimi vijon pa probleme.
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore, thuhet në njoftimin e ARRSH-së.
j.l./ dita
