Kremlini hodhi poshtë pretendimet e Kosovës se Rusia po e shtynë Serbinë që ta destabilizojë situatën në Kosovën. Nga Kremlini thanë se Serbia vetëm po mbron të drejtat e serbëve etnikë.
I pyetur lidhur me deklaratat e ministrit të Punëve të Brendshme të Kosovës, Xhelal Sveçla, se Serbia, nën ndikimin e Rusisë, po synon të destabilizojë Kosovën, zëdhënësi i Kremlinit, Dmitry Peskov tha se “është krejtësisht e gabuar” që të flitet për ndikimin destruktiv rus.
Ministri Sveçla deklaroi më 27 dhjetor se Serbia është ndikuar nga Rusia kur ka marrë vendimin që të rrisë në nivelin më të lartë gatishmërinë luftarake të forcave ushtarake dhe policore.
“Deklarimet se Republika e Kosovës ka ngritur gjendje gatishmërie janë tërësisht të pavërteta dhe janë pjesë e propagandës së dyshes Serbi- Rusi”, tha ai, duke hedhur poshtë pretendimet e zyrtarëve serbë se Kosova po ashtu ka rritur nivelin e gatishmërisë luftarake.
Serbia ka mohuar se po tenton të destabilizojë Kosovën dhe ka argumentuar se po mbron serbët që jetojnë në Kosovë.
Presidenti i Serbisë, Aleksandar Vuçiç, deklaroi të martën se Serbia do të “vazhdojë të luftojë për paqe dhe kërkon një zgjidhje kompromisi”. / REL
j.l./ dita
Hajde mos te gabojme kjo cka ndodhe sot ne Kosove behet vetem me lejen e Perendimit perendimi i dha driten jeshile qe te ben cka te don ne Kosove ,kurse deri dje thonin se siguria e Kosoves esht 100% e garantuar nga Nato kurse tani nuk ju ndihet Zeri ose kan ikur si ne Afganistan,
Amerika ka mik interesin.
Por,specin e djegs kurre nuk e ka hanger.
Shqiptaret duhet te ngrisin nivelin mbrojtes,duhet urgjentisht t’i shumfishojne kapacitetet ushtarake,nese nuk duan te tkurren edhe me ne hapsiren gjeografike.