Një 42-vjeçar nga Tirana ka dhunuar dhe ka tentuar të djegë me benzinë bashkëshorten e tij, vetëm se ajo kishte bërë sherr me vjehrrën.
Dhuna në familje ka qenë mjaft shqetësuese javët e fundit. Vetëm këtë korrik në të gjithë vendin janë 207 raste, me 228 autorë, nga të cilët 81 arrestuar e ndaluar, 131 në gjendje të lirë dhe 16 në kërkim, raporton gazetarja Dorjana Bezat.
Vetëm në gjysmën e parë të këtij viti janë regjistruar 2672 raste të dhunës në familje, ku mbi një mijë prej tyre janë shënuar në kryeqytet. Prej këtyre, në 599 raste dhuna është ushtruar nga bashkëshortët, 105 raste nga ish-bashkëshortët, ndërsa pjesa tjetër nga shtetas në marrëdhënie të tjera familjare.
Denoncimet pasohen me urdhër mbrojtje të lëshuara nga gjykata për periudha të caktuara që variojnë nga një muaj deri në një vit por kjo nuk e ndal dhunën.
Ndërsa në shumë raste dhuna ndodh në heshtje, pa u denoncuar çka tregon se shifra real e këtij fenomeni mund të jetë edhe më e lartë. / TCH
Statistikat për dhunën në familje nuk i duhen shqiptarëve. Ato, statistika i duhen institucioneve shtetërore për të marrë masa konkrete për eleminimi e këtyre problemeve të shoqërisë sonë.
Pikërisht forcimet e institucioneve shtetërore, roli i tyre, është vendimtar për mirëfunksionimin e problemeve në shoqëri.
Si mund të përparojë një vend me një shoqëri me probleme të theksuar në qelizën e saj bazë, familjen?
Si mund të pretendosh një shoqëri të cilivizuar pa civilizimin e individit, pa arsimin e tij që në arsimin parashkollor, çerdhe, kopësht?
Nëse do të edukosh një kafshë me u përshtat në një ambjent caktuar kjo bëhet në fillesat e ekzistencës së saj, por për njërëzit?