Ka shkuar në më shumë se 21,000 viktima numri i personave që humbën jetën si pasojë e tërmeteve që goditën të hënën e 6 shkurtit Turqinë dhe Sirinë.
Autoritetet dhe mediat e huaja raportojnë se numri i viktimave është rritur ndjeshëm duke shkuar në total 21 mijë të vdekur. Në Turqi , numri i të vdekurve është rritur në 17,674 dhe numri i të plagosurve është 72,879.
Në Siri janë shënuar 3,377 viktima, përfshirë 2,030 në zonat e kontrolluara nga rebelët në veriperëndim, sipas grupit të mbrojtjes civile të Helmetave të Bardha – dhe 1,347 vdekje në pjesët e kontrolluara nga qeveria të Sirisë, sipas medias shtetërore siriane.
Numri i personave të plagosur në Siri në të gjitha territoret e prekura u rrit në 5245 në zonën e kontrolluar nga qeveria dhe 2950 në zonën e kontrolluar nga rebelët.
m.b./dita
