Sfida Groningen-Ajax, e vlefshme për javën e 32-të të Eredivisies u ndërpre përfundimisht për shkak të hedhjes së tymuesve dhe mjeteve të tjera piroteknike nga ana e tifozëve vendës pa u mbushur 10 minuta lojë. Futbollistët e Ajaxit po përgatiteshin për të ekzekutuar një goditje dënimi, kur gjyqtari vendosi t’i dërgonte të dyja skuadrat në dhomat e zhveshjes. Reagim i fansave të Groningenit kishte lidhje me situatën ku ndodhej skuadra, tashmë e rënë nga Eredivisie. Një tifoz vrapoi nëpër fushë, po u neutralizua menjëherë nga forcat e sigurisë.
Lojtarët u tërhoqën në dhomat e zhveshjes dhe loja u ndal për 15 minuta. Më pas të dy skuadrat u kthyen në fushë, por loja u ndërpre përsëri pasi një tjetër re e zezë tymi pushtoi fushën. Gjyqtari përsëri urdhëroi skuadrat të grumbulloheshin dhe ndeshja u ndërpre përfundimisht.
