Pas dy vitesh e gjysmë dhe pikërisht në momentin më të duhur për ta, Tirana ka mposhtur Partizanin në derbin e kryeqytetit me rezultatin 3-0.
Për javën e 33-të të Superligës ishin bardheblutë që siguruan tri pikë të arta në “Arenën Kombëtare” duke lënë zonën e ftohtë, megjithatë mbeten në “vallen” e mbijetesës. Heroi i takimit ishte Zharmuni me dopietë në minutat 19-të dhe 41, si edhe Ernest.
Pjesa e parë përfundoi me dominimin e të besuarve të Shkëmbit, ndërsa shumë pak për të thënë për Partizanin, që nuk po dilte dot në lojën e vet.
Në pjesën e dytë, portieri i të kuqve, Hoxha shkaktoi penallti duke penguar kundërshtarin. Gjakftohtë nga 11-metra, Ernest i siguroi fitoren Tiranës.
Tirana renditet në vendin e tetë me 35 pikë dhe sheh nga mbijetesa. Në krahun tjetër, Në krahun tjetër, ekipi i Gegës vendos në rrezik Final Four, pasi ka vetëm një pikë më shumë se Elbasani.
d.t/dita
