Policia e kryeqytetit ka goditur një tjetër rast i trafikimit të armëve të zjarrit, duke vënë në pranga dy të rinj nga Fieri.
Sipas Policisë gjatë kontrollit 21-vjeçarit iu gjetën dhe iu sekuestruan një armë zjarri pistoletë dhe municion luftarak, të cilën dyshohet se e posedonte me qëllim shitjen në Tiranë. Ndërsa 24-vjeçari u arrestua për moskallëzim krimi.
Njoftimi i Policisë Tiranë:
Finalizohet operacioni policor i koduar”Suspend 1”.
Goditet një tjetër rast i trafikimit të armëve të zjarrit, me qëllim shitjen.
Sekuestrohet 1 armë zjarri pistoletë dhe municion luftarak, vihet në pranga 21-vjeçari.
Në pranga dhe një 24-vjeçar për moskallëzim krimi, i cili shoqëronte 21-vjeçarin.
Seksioni për Hetimin e Trafiqeve të Paligjshme, në bashkëpunim me Forcën Operacionale të DVP Tiranë, si rezultat i hetimeve të kryera me metoda proaktive, në drejtimin e Prokurorisë, për goditjen e veprimtarisë kriminale të shitjes së armëve të zjarrit, ka organizuar dhe finalizuar operacionin policor të koduar “Suspend 1”.
Si rezultat e të cilit arrestuan shtetasit D. N., 21 vjeç dhe A. S., 24 vjeç, të dy banues në Fier.
Gjatë kontrollit fizik të 21-vjeçarit, shërbimet e Policisë gjetën e sekuestruan një armë zjarri pistoletë dhe municion luftarak, të cilën dyshohet se e posedonte me qëllim shitjen në Tiranë.
Materialet procedurale iu referuan Prokurorisë së Tiranës, për veprime të mëtejshme.
j.l./ dita
